Vote For The Best Poem

تصويت لأجمبل قصيدة

بداية يشارك

من هو صاحب الذوق الرفيع ؟

أصحاب كانو متل إخوي و خانوا أصحاب؟؟ شو أصل هالكلمة؟ ساعة بيكونو دموع وساعة بسمة أصحاب؟؟ مين حدّد الصفات؟ عرفت شو صاير بهالحياة اختلفت عناقيد الحبّ بالكرمة أصحاب كانو متل إخوي و خانوا وريتهن لا إجو ولا كانو شربوا من دمّي سنين وضحّيت وبين العقارب رمشهن غفّيت وصرت إمحي العتم بزنود القمر وتمتم لليالي ت تغفّي السهر وفكركن ردّو الجميل؟ وشكرو السّما؟ ع شمس فوق خيالهن الله راسما لا تقولو بعد في أصحاب... غابوا... شكرت ربي ع الغياب بيسألوا شو معك ل تعطي من الشتي ما بيفتحو ت تلطي بياخدو كل شي منّك وبيروحو بينسوا اللي فداهن ب روحو بتعرّف الأصحاب ع ناس كتير بتقول حلوة الدني لو اجتمعوا عصافير لكن الصيادي بيبقوا كتار بيكبّو الجمر بعيون النار وكلّ مين مش للمصلحة بيطير ع كلّ حال لا تنسوا اللي بناكم لا تنفوا الجناح اللي جرّب حماكم بكرا الزمن بيفرفط الأسرار.... وسبحان ل خلق هالقدر دوّار رح ترجعوا نهار وتقولو بترجّاك وقعنا بتجربة وعرفنا الحقيقة وساعتها في باب أو شبّاك شوفو كيف تطلعوا بأية طريقة

سَأْلِت شو الحب؟؟ سَأْلِت شو الحب؟ قلتلا اسمعي شوفي الحنين لي بقلبي وعي عمر الحب دموع مكتوبو بكي والدمع إنسان خلق للبكي حلم الشمس تشرق قبل لِغياب حلم الوعد يقتل قدر كذاب حلم السهر يسكن ع شرفةْ ليل حلم الريح تركض من ميل ل ميل حلم القلب حبّ وألم وشْواق ودموع تطفي وجع وفراق ولما الدمع يخلق معو إنسان يبقى معك عطول ت تعيشوا سوا إمحي القدر غطّي أسى الزمان اسكبي خمرك حب بكاس الهوى شو الدني والحب مش موجود؟ شو الكرم لو ما عطى مردود؟ بكرا الحبيب بيسكن عيونك وبيصيروا فيكي يشمتوا الناس لا تخافي...ولا تضيّعي جنونك ضيعانو فيهن...اسكبيه إحساس حِبّي البكي بكرا بيرافقك ضلي اضحكي بكرا بيخانقك مش بعيدة نطبّق الدمع ت يروح ويسكن بعين القلب...يختم جْروح سألي شو الحب؟؟ ما إلو تحديد يمكن أنا حكيت بعحقةْ الأفكار وبالخابية لو ما تعتّق نبيد لا بقي عشاق ولا انوجد خمّار... ضلّك سراج عم يشرب الزيتّ بركي بكرا ناس وانطفى فتيلو اصرخي بأعلى صوت... أنا حبّيت كوني الوفا للحب ...وقنديلو

شو الدني؟ والعمر قاسي .... والناس ما بعمرها بترحم شو الدني؟ والعمر قاسي والناس ما بعمرها بترحم شي فايق عليك ..شي ناسي والجرح مفتوح ما بيلحم شو الوجع؟ مرافقك وين ما تروح والباب بلا قفل..للظلم مفتوح ما بتلحق تكمش الضحكة...بتركض وبتروح غافي للوقت اللي بيوعى الفرح للماضي لْ بيموت...من طفل انجرح يا ريتني جمرة...بينطفي عمرا ومتلي متل النار...و ت يكمل المشوار غيرنا بيسهر ..ومنموت آخر السهرة شو الدني والدمع باقي بكرا بموت ..بفرفط وراقي بركي الحبر بيرخّض الدمع بطلّق الدني...وبعلن فراقي ولا تنسي الوردة..وبيضا تكون متل التلج بِ جفا كانون اسقيها دموع قصّروا من عمري اغمريها...ونيّميها ع قبري

طفل السرطان بعدما الزهر خمّر النحل بالقفران والندي لملم بقايا الورد ع خدّي شفت الطبيعة بتضحك مع الإنسان بتموت مرّة ... بتتجدّد بْنيسان والإنسان بيروح و بينزرع وردة... كنت زعلان من الدني حولي وإلعن حظّي وإشمت بالدني وشفت حادثة غيّرت قولي وحزني مات وجْبيني حني... رحت مستشفى زور قريب قالو مريض والمرض غريب طفل عمرو سنة وأصلع من الوجع والألم ما بيشبع وبدل ما يكون عم يرضع حليب إمّو غايبة وع إيدو طبيب... وأنبوب أوكسيجين عم يرضع شفت بعيونو أسى الزمان صْرَخت لإمو وقلت شو القصّة قالت بْغصّة...القصّة سرطان.. وما قِدْرِت تكفّي من الغصّة... وبعدك يا إنسان بتشكي وطفل شو ذنبو عم بموت لا قدر يضحك ولا شاف الحكي ودمو بالمرض بيضجّ سْكوت وجو مصفرّ ببَكّي الحجر وكيف؟ مدوّب قلب البشر طموحو غاب... قدرو غْياب خسران معركة رابحها القدر تْركت القلم يكتب الموضوع ويا ريت عمر الطفل ما انكتب بكلّ كلمة بضوّيلو شْموع وبوصل وجعو للطّفل يسوع.... وشوف قيامتو بعد ما انصلب

قالت بحبَك قالت بحبك وبكيت ع خدي وصار الورد ل ع خدها يندي ضميتها وصرت إشرب دموعها ويولع جمر الحب بولوعها حسيت إنو الدمع كلو حكي وعيون خلف القلب بدها تشتكي ومتل ما الشفاف في عندها لسان الدمع بالعين كلمة مباركة وصرخت بحبك وكرّت المسبحة وركضت خلف الصدى وما كنت لحّقا تشردق الليل بنجوم السما ضاع الحكي ب جناح الوما ومن وقتها عم بسمعا بحبك ومش قادر كون معا شو الحب؟؟ لو ما الوجع يكون شو القلب لو ما للوفا مرهون سلخت عن الطفل إبتسامة وخرطشتها ع الريح ...عطّرتها من الورد بكرا إلك بتودّي سلامي اركبي ع خيل البكرا ولو كرّت البكرا يمكن نلاقي الهوى ...نترك الذكرى لا تخافي...ما بتوقاعي ناطرك ..هونيك صوب الأفق ناطر فجر جديد وع ضوو نتّفق بحبك...باقيي معي ولو ناس الوعي ما زالو الحب هوي الدني ما فرّق فقير ولا حارب غني باقي ت يجي نهار..خزّق العتمة وإمرق بالنهار وإرجع قطّبا وكلمة بُعد من العمر أشطبا وفرفط ظلام بخواطر الكلمة وكل كلمة من القلب إرجع إكتبا روحي...معك روحي ولو بدّك اسكني جروحي بحبك... هالدمعة وقلتيا خدي دمعتي و ع خدك انسيا

من إنشاء Lma30

إنشاء استطلاع الرأي الخاص بك

Online People - المواعدة والدردشة والتعرف على أشخاص جدد

Vote For The Best Poem

تصويت لأجمبل قصيدة

من هو صاحب الذوق الرفيع ؟

Online People - المواعدة والدردشة والتعرف على أشخاص جدد

اقترح الاختبارات

أنت حيكون وضعك إيه في المجتمع بعد 10 سنين

من القائل من الشله

اختبار هل انت النوع المثالي ل نامجون 🥺🥺

هل انت آرمي حقيقي

انت هتنجح ولا هتشيل

هل أنت دحيح؟؟

ازعر دواوين ولا اهبل طنط

لو لم تكوني انتي ... من كنتي ستكونين ؟

هل تمتلكين روحاً رياضية؟

هل أنت حديقة؟

مش ماّذن وبس ....... استبيان عن حظر بناء الماّذن

هل انت كوكية او جيمينة او تاتيه

اذا حاسبتك خربانة وين توديه (By: Ffanarb)

غبي على الحب؟؟

من انت من اطفالنا بانقتان💜😭❤️

استطلاعات الرأي المقترحة

المدرسة

Aita El Foukhar Election 2010

Sawirri Election 2010

احمد حسن

زعمك هكي ولا هكي ؟!!

مين اكتر واحد فتاى فى زفتى؟

عراق

Real Madrid Vs Barcelona

الاعلامي المفضل

مجمع الحزب الوطنى سيدات ( عمال )

التطبيقات المقترحة

Are You Lucky Today ?

انت من الأشاوس أو الجلاميط؟

مقدار حب ناجي الك

(ك.رونالدو ) او (ل.ميسي)

راح تنجح بنص السنة لو لا